ꀋꃋ，ꉢꊰꉆꈭꌠꍏꑷꊈꑼꉼꎁꃅꃀꀉꒉꈿꅉꏭꅇꄜꂿ
736Please respect copyright.ＰＥＮＡＮＡhMLp2x5IQf
ꍏꇩꇭꍣꄈꊯꈬꃢꌠꇩꏤꑭꊂꁧꎁꃀꀉꒉꈿꌠꆹ，ꐊꑷꃅꊼꇅꌣꈚꌠꐧꋦꋈꄻꐛꌠꂫꋓꊋꐛꊬꌠ、ꍏꇩꐛꐨꐧꋦꉪꏦꃅꋊꀊꏀꋎꌠꇬꃹꌠꀋꉬꀋꉆꊬꌠꇬꈿꌠꃀꀉꒉꀋꂿꑘꐯꀋꂿꑘꌠꑠꋍꃢꉬ
736Please respect copyright.ＰＥＮＡＮＡHpepS6BmR3
ꃀꀉꒉꈿꌠꅇꀨꆏ：ꇬꂾꉪꐨꎺ，ꂿꃆꎺꈬꃅ，ꍏꇩꐛꐨꐧꋦꉪꏦꁈꁧꇰꀋꃀꌠꀊꂥꃅꐕꄉ，ꐊꑷꃅꊼꇅꌣꈚꌠꐧꋦꋈꄻꐛꌠꂫꋓꊋꐛ，ꃅꋊꀊꏀꋎꌠꍏꇩꐛꐨꐧꋦꉪꏦꇰꀋꃀꃅꊋꐛꌠꇑꅜꄉ，ꍏꉸꊿꋅꇰꀋꃀꃅꀱꌄꆣꇁꌠꍏꇩꉪꐨꃅꇫꑟꌠꎁꃅꀋꆏꃅꉈꈽꌠ
736Please respect copyright.ＰＥＮＡＮＡWnhaoFP7en
ꇬꂾꉪꐨꎺꑲꆀ，ꌤꃅꌊꑞꅉꑟꄎ。ꍏꇩꇭꍣꄈꊿꃤꇬꂾꉪꐨꌋꆀꂿꃆꆹ，ꍏꇩꏓꂱꎁꃅꌒꐪꏂ，ꍏꉸꊿꋅꎁꃅꀱꌄꆣꇁꌠꏂꌠꉬ。ꇬꂾꉪꐨꌋꆀꃅꎁꋋꏢꆹꍏꇩꇭꍣꄈꊿꋌꇱꊡꀮꌊꀋꆏꃅꀒꁨꆹꌠꊇꅉꇙꊋꉬ。ꄈꑭꊂꐋꀨꆏꀋꎪꃅꐥꍂꃅꏓꂱꌋꆀꐯꇯꌗꋏꌗꈻ、ꐯꇯꐥ、ꉌꂵꐮꐊꄉ，ꐥꍂꃅꏓꂱꐥꐨꉾꃪꌠꏭꉪꌠꌌꉈꈽꌠꁻꌐꃅꄉ，ꆏꇁꀋꉆꌠꉌꊈꐛꐪꌋꆀꆸꆏꉈꀋꎞꌠꉈꈽꄟꌌꄉ，ꐪꊛꄉꍏꉸꊿꋅꇰꀋꃀꃅꀱꌄꆣꇁꌠꉻꒉꁻꌐꇬꉜꄉꀬꅑꃅꀒꁨꆹꌶ
736Please respect copyright.ＰＥＮＡＮＡV1omhlhIFH
ꀋꃋꋋꄮꇬ，ꇩꈐꇩꉈꃅꒊꃅꇁꇬꊎꃹꅼꌼꇪꃅꐛꐈꇰ，ꉪꇩꏤꀻꎆꌠꄡꇗꄐꇐꊜꋽꄮꀋꂿꑘꊬꌠꇬꃹꎍ，ꊫꂫꁤꇅꀕꐯꁤꇅꀕ，ꋓꎭꌠꑌꊜꊋꐯꊜꊋ。ꄈꑭꊂꐋꀨꆏꀋꎪꃅꂥꅂꎴꉜ、ꌒꑍꎭꉪ，ꀬꃅꄺꀱ、ꀬꃅꏀꀺ，ꐥꍂꃅꎹꑇꀋꐛ、ꐥꍂꃅꆏꇨꀋꎍꃅ，ꇩꏤꑭꊂꊿꋅꈁꐥꌠꏓꂱꋯꑌꏃꂠꌌꐊꑷꃅꊼꇅꌣꈚꌠꐧꋦꋈꄻꐛꌠꂫꋓꊋꐛ，ꈏꇤꊋꇤꄉꃅꋊꀊꏀꋎꌠꍏꇩꐛꐨꐧꋦꉪꏦꇰꀋꃀꃅꊋꐛꌠꇑꅜꌶ
最後
謝謝大家
ns216.73.217.11da2
