樂仔少傳第五部

聽說觀塘有一間專食日本料理的餐廳很好食，於是我約了郭嘉瑤、莫少融和楊淑敏在星期日一齊去食。

我們在巴士站行去天橋，見到一個熟悉的人在天橋上派傳單，那個人就是趙子隆。

我們上前跟他打招呼，趙子隆道：「咁橋嘅，你哋去邊？」

我道：「我哋去嗰間日本料理店食午飯，你要唔要一起來？」

趙子隆道：「唔啦，我仲有啲傳單要派呢，你哋去食吧。」

我道：「咁要唔要幫手呀？」

趙子隆道：「唔使，呢啲係教會嘅工作，身為教徒應該一力承擔嘅。」

郭嘉瑤道：「教會？乜你信教嘅咩？」

趙子隆道：「係呀，我信基督教㗎，教會有咩要務要做，我都會幫手嘅。」

我道：「咁我哋唔阻你啦，我哋行先了。」

趙子隆道：「好，拜拜。」

我們也說聲「拜拜」後，便去了那間日本料理吃午飯。

＊＊＊＊＊＊＊＊＊＊＊＊＊＊＊＊＊＊＊＊

今朝點完名後，古ｓｉｒ就叫了趙子隆去教員室。

坐在我後面的莫少融拍了一拍我的膊頭，道：「點解趙子隆要去教員室嘅？」

我道：「我都唔知呢。」

坐在我身邊的郭嘉瑤道：「會唔會係佢呢排缺席嘅次數多咗呢？」

莫少融道：「佢次次都有醫生紙嘅，但佢個樣又唔似患咗重病呀。」

我道：「唔好估下估下啦，等佢返來問問就知了。」

到了午飯時間，趙子隆才回班房，他回到自己的座位收拾東西。

我來到他的面前，道：「古ｓｉｒ找你咩事呀？」

趙子隆道：「最近缺席非常頻密，古ｓｉｒ話再咁落去，我好難畢到業。」

郭嘉瑤、楊淑敏、莫少融、周銳雄、歐永全也走了過來，圍著趙子隆。

周銳雄道：「其實你咩病啫？嚴重到要常常缺席。」

趙子隆道：「其實我咩病都無，我缺席係因為教會有事要做，我要去幫手。」

我道：「哦，原來如此。」

趙子隆道：「現在教會需要我，所以我要輟學了。」

大家聽到「輟學」這個兩字，都愕然了。

我道：「學期都去了大半，距離畢業只有三個幾月，而家才輟學，會否太倉促呀？」

趙子隆道：「古ｓｉｒ都勸過我了，但係我都係要輟學。」

我道：「你再諗清楚啦，現在才輟學，太可惜了。」

趙子隆很堅決地道：「我想得好清楚了，為了教會，我要輟學。」

突然背後響起一把聲，道：「人各有志，你哋就由得佢啦。」

全部人望向發聲的人，只見洪濤亮不知道幾時已經來到我們後面。

趙子隆道：「係啦，你哋就由得我啦，唔好再勸我了。」

我嘆了口氣，道：「唉，唯有咁啦。」

郭嘉瑤道：「既然決定要走，不如我哋搞過歡送會啦，你哋話好唔好？」

大家點頭說好，於是我們成班人放學後，約一起在麥當勞幫趙子隆辦一個歡送會。

就這樣，趙子隆在第二天辦理退學手續，和我們談了幾句，他說有空可以來教會找他，說完便離開學校了。

＊＊＊＊＊＊＊＊＊＊＊＊＊＊＊＊＊＊＊＊

畢業試考完後一星期，各科老師派發試卷。

我每科的成績都有中上的分數，好大機會升上高級班。

郭嘉瑤拍了一拍我的膊頭，道：「怎樣？考成點？」

我道：「幾好呀。妳呢？」

郭嘉瑤道：「好彩有你幫忙補習，我嘅會計科同電腦科都可以拿到合格。」

我道：「咁妳會升上高級班嗎？」

郭嘉瑤道：「僅係會啦，唔通你唔想？」

我道：「當然唔係啦，我都想升上去㗎。」

這時午飯鈴聲響了，比較熟絡的同學也走了過來，問問各人的成績怎樣。

莫少融道：「我嘅成績都唔錯，小敏妳呢？」

楊淑敏道：「還可以呀。」

周銳雄道：「差到貼地，看來升不了高級班。」

歐永全也搖了搖頭，表示自己成績不太好。

我看著洪濤亮，洪濤亮也搖了搖頭，道：「你看著我也無用，我都無諗住升上去，初級班畢業後，我就回去幫老豆手了。」

韓雲英道：「亮哥哥去邊，我就跟著你去邊。」

大家聊著聊著，然後一起去吃午飯。

午飯後，接著便是班主任的堂，他要宣布升上高級班的同學是誰。

古ｓｉｒ道：「由ＡＢ兩班裡選出頭四十名優異成績的同學，才能升上高級班。以下便宣布Ａ班能升上高級班的同學……」

當古ｓｉｒ讀完所有名字後，Ａ班一共有十六人可以升上高級班，當然包括我、郭嘉瑤、莫少融和楊淑敏。

最意想不到的是胡文威也有份，他是古ｓｉｒ最後叫的名字，當他聽到自己的名字後，也愕了然。

洪濤亮拍著胡文威的膊頭，道：「叻仔喎，可以升上高級班。」

胡文威吞一吞口水，道：「但…但係我要跟老大一起去打天下呢。」

洪濤亮道：「傻嘅，讀好啲會計，將來幫我睇好盤數仲好啦。」

胡文威道：「但係……」

洪濤亮道：「唔好再講任何嘢，以你嘅資質唔適宜去打打殺殺，而係幫我睇緊啲我盤數，呢個都係好重要嘅位置。」

胡文威點了點頭，道：「我知道了，我會讀好啲會計。」

到了放學時間，洪濤亮話要慶祝我們升上高級班，他來請客，於是我們一起去吃飯。

＊＊＊＊＊＊＊＊＊＊＊＊＊＊＊＊＊＊＊＊

就這樣，大家影完畢業相，拿了畢業證書，就各散東西了。

之後的事……

洪濤亮回到洪字頭，在江湖裡闖下一番大事來，聽說他在油尖旺區做了老大。

韓雲英就完了她的美夢，就是做洪濤亮的女人。

胡文威會計高級班畢業後，就成為洪濤亮身邊的一個頭馬，幫忙睇好盤數。

趙子隆在教會裡，從信徒進升到神職人員，繼續服務教會。

而我呢，當然是在下一個故事裡繼續講我的遭遇啦。

－（完）－

＊＊＊＊＊＊＊＊＊＊＊＊＊＊＊＊＊＊＊＊

編作：少見

ns216.73.216.166da2

樂仔少傳第五部

REGISTER

LOGIN

Interface Language:

Story Language: