Sa Aking Mga Kumbulsyon: Mga Tula (5th Anniversary Collector's Edition) [Tagalog] - Blankong Bukas

Blankong Bukas

Mar 31, 2024

114

1 Min Read

Tayo’y mga taong walang pandamang natitira

Unti-unting nawawala siklab at init ng apoy

Sa ating mga buhay na masakit kung magbiro

At ang nakakapasong lamig ng blankong bukas

118Please respect copyright.ＰＥＮＡＮＡQLJUmb7EIj

Hanggang kailan ba tayo magpapaanod

Sa agos ng rumaragasang pagdikta

Ng ating kapwa sa sariling kapalaran

Nang malunod sa kumunoy ng kabiguan

118Please respect copyright.ＰＥＮＡＮＡc6rbNGFxbC

Tayo’y mga hindi makaamoy ng bango ng tagumpay

Sapagkat nalalanghap natin ang ating mga responsibilidad

Handa tayong dumihan ang ating dalawang kamay

Makaalpas lamang sa hirap at makamit ang sarap

118Please respect copyright.ＰＥＮＡＮＡgxlbYE8M4W

Hanggang kailan ba natin titiisin ang baho

Sa pagtupad ng mga imposible nating pangarap

Dahil ito ang tingin nating tama at makatuwiran

Kahit ang malinis na konsensya’y hindi naniniwala

118Please respect copyright.ＰＥＮＡＮＡ05N5oJSeOe

Tayo’y mga indibidwal na walang panlasa

Kundi ang asim ng paulit-ulit na pagsuko

Ang pagkawala ng anghang para lumaban

Mula sa masaklap na alat ng katotohanan

118Please respect copyright.ＰＥＮＡＮＡnuDpkgtiXK

Hanggang kailan pipigilang masuka at masuya

Sa tamis ng mga ilusyon sa perpektong buhay

Nauuhaw tayo sa pangako ng magpakailanman

Pero tanging oras lang ang sadyang nakakaalam

118Please respect copyright.ＰＥＮＡＮＡFVUNKrNpm6

Tayo’y mga pipi dahil hindi tayo nakasisiguro

Kung patas nga ba sa lahat ang kataas-taasan

Na sana’y hindi tayo wawasakin ng walang katiyakan

Na hindi magmamaliw ang pananampalataya sa kanya

118Please respect copyright.ＰＥＮＡＮＡxCyxcETpAx

Hanggang kailan ba tayo sisigaw ng tulong

Kung pakiramdam naming siya’y mahimbing sa pagtulog

Ibunton ang aming galit sa hindi namin maintindihan

Durugin ang pagmamahal sa iyong mga nakatagong plano

118Please respect copyright.ＰＥＮＡＮＡ85k3N7muTy

Tayo’y mga bingi sa tunog ng kinabukasan

Hadlang ang nakalipas na tahasang lumalamon

Ng ating pag-asa na matupad ang mga dasal

Sa lumikha ng mga bituin, langit at buwan

118Please respect copyright.ＰＥＮＡＮＡprX8sGSAOJ

Hanggang kailan ba tayo magiingay

Para sa mga bagay na hindi mababago

Sa halip ay hihinto pa tayo para punahin

Ang mga hindi natin matanggap at gusto

118Please respect copyright.ＰＥＮＡＮＡ5CucjsdnJ2

Tayo’y mga bulag sa tahimik na gabi.

Pilit ginagamit ang ating mga kamay.

Para makapa ang hindi natin nakikita

Kaba sa puso kapag hangin ang nahahawakan

118Please respect copyright.ＰＥＮＡＮＡcyKQG0hh7I

Hanggang kailan ba tayo makikipaglaro

Sa mga mumunting guhit sa ating mga palad

Dahil sawa na rin akong makiapaghabulan

Bilang tayang nakapiring sa mailap natadhana

ns216.73.216.213da2

0 likes Suggest Edits

Be the first to like this issue!

Blankong Bukas

REGISTER

LOGIN

Interface Language:

Story Language: